إنتو لّي قرَّفتونا!

إنتو لّي قرَّفتونا
إنتو لّي فرَّقتونا
إنتو لّي فقّرتونا
وبالدّيون غرّقتونا
__________
الخيمِه لّي فَوقك طارت
يا فاسد راسَك مكشوف
الثّوره بوحدتنا صارت
أسطورَه برصّ الصُّفوف
__________
مصدر السّلطه نِحنا
من الفاسدين نجرَحنا
نحنا الشعب لْ بيحاسِب
وْرَح نستَرجِع فرَحنا
__________
كلّ الشعب بيِتساوى
بالحُقوق والواجِبات
العَدل بْقَصرُو بْيِتغاوى
بْتِنفيذُو للعُقوبات
__________
الكلّ بيخضَع للقانون
قِدّامو ما حدا كبير
مَمنونك ربّي ومَمنون
القاضي لّي عِندُو ضَمير
سيمون حبيب صفير

مقالات ذات صلة

زر الذهاب إلى الأعلى