*إنتَ سَيِّد قرارَك* 

إنتَ سَيِّد قرارَك

عَن حَقَّك إنتَ المَسْؤول

بْتِقدِر تِحسُم خَيارَك

ما تِقْبَل تِبْقى مَعزُول

______________

 

أمَلَك كَمْ مَرَّه خاب؟

وِالفَرَح مِنْ قَلبَك غاب؟

عمُولِ بْصَوْتَك كِلِّ الفَرق

بِصْنادِيق الإنتِخاب

______________

 

هاي مَعرِكْة المَعارِك

وإنْتَ رِكْنِ مْنِ الأركان

بْمَشرُوعِ التِّغيير شارِك

صَوْتَك زِلزالُ وْبِركان

______________

 

شارِك بِصِنْع القَرار

بْحِريِّه وِبْحِكْمِه اختار

صَوتَك بالإنتِخابات

أصدَق مِقْياس وْمِعيار

______________

 

وَعيَكْ يا خَيِّي الأَساس

ختار النِّخْبِه لْ بتحاسِب

وِبْروحَك ولِّع إحساس

الثّوْرَه وِبْتْكُون الْكاسِب

______________

 

بْصَوتَك حدِّد مَصيرَك

فكِّر.. حَكِّم ضميرَك

بتِزرَع قَمْح بْتُحصُد قَمْح

جْبُولِ العَجْنِه بْخَميرَك

سيمون حبيب صفير

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق