بطرك الحرّيه !

يا بكركي رجالِك جيش الحقّ وأبطال

نحنا ولادَك يا بطرك جيش التحرير!

يا بطركنا بْهالظلْمي ايدَك بتطال

النجم السّاطع، وبإيدك كلّ التّدبير.

________________

الله بَدّو عا إيدك لبنان يشفى

يا بَطركنا، وْعا إيدك يحصَل تغيير

وَطنّا الغالي منرفُض يبقى مَنفى

يا بشاره مِنقدّم لك حُبّ وتقدير.

________________

نحنا بخدمِة هالصّرح لْ مجدُو ساطع

نحنا اللي قهرنا الذل، تحدّينا القهر!

سيفك ناصع يا بطرك، حدّو قاطع

نحنا رجالك يا بطرك، في إلنا ضهر!

________________

عَهد علينا الحضاره نصون حدودا

نحنا منبقى الخميره ومَعجن إيمان.

نحنا رغيف الحريّه ونحنا زنودا.

من بكركي الحق بيشرق ومِن الدّيمان!

________________

الأرزه بِتصلّي معنا بقلب القدّاس،

لمّا مِنصلّي الله معنا بيحضر.

عَ المذبح في وليمه والخمر بكاس

الكنيسه بخير بْفي الأرز الأخضر!

________________

الله أكبر يا بكركي ولبنان أكبر!

إنت الأخبر يا بطرك.. الله يحميك!

يا بكركي من أمجادِك شعبي بيسكر

عا صَخر بكركي مْنشقَع نحنا مداميك!

________________

منحلُف يمين معظّم يا سيّدنا

منوقَف عَ سلاح الحقّ بعزم الشّجعان.

يا سيّدنا، يسوع اللّي مْأيّدنا

ما بيقبَل بين رجالو ضعيف وفزعان!

________________

سيمون حبيب صفير

مقالات ذات صلة

زر الذهاب إلى الأعلى