السّما مَعنا سِهْرانِه!

خِبز ومِلح وخَمر وحُب

السَّهْرَه مَعَك عِمْرانِه!

ربّي بْكاسي نْبيدَك صُب

السّما مَعنا سِهْرانِه!

_____________

مْنفْرَح بِتَمْجيد الرَّب

منِشرَب نَخْبِ الأخُوِّه

مِنرَمّم يلّي تخَرّب

ومِن الله كِلّ القُوِّه

_____________

خَمْرَك طافِ بْهاكْ العِرس

بْقانا الجَلِيل بْلبنان

بحفلِة دَبكِه وسَيْف وْتِرس

مْنفرَح بِإبْن الإنْسان

_____________

إمَّك طِعِتا يا يسوع

بايدَك صار الماي نبيد

وِجّكْ عَ الأرزه مَطبُوع

ونِحنا وْلادَك مِشْ عَبيد

_____________

كلمِة إمَّك ما بِتْصير

عِندَك يا يَسوع تنَيْن

ونِحنا نظَرَنا قَصير

قَشِّه بْعَيْن وضُعف بْعَيْن!

_____________

يَسُوع يا أطيَب صَديق

بِشْرَب لَكْ كاسِي مْقَفّا

بْتِحْمِلْني بْأوقاتِ الضّيق

مْكَفّى بْحُبَّكْ وِمْوَفّى!

سيمون حبيب صفير

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق