الله قال: “ما بتِركَك”

الله قال: “ما بتِركَك”
وْعَنَّك لا ما بِتْخَلّى
الله بإيدُو مْبارِكَك
وِبْخيراتُو مْشارِكَك
____________
إِلَك بلِيق التّسبيح
يا رَبّي.. وكلّ المَديح
عِمّانوئيل القُدّوس
رَبّي يَسوح المَسيح
____________
مَتّى مُرقُس وْلوقا
ويوحَنّا للرّبِّ شْهُود
البَشَرِيِّه المَخلوقَه
بَينا وْبَيْن الرَّبّ عْهُود
____________
الله لْ عَ وْعُودُو أمين
بْيعَطي كلّ العطايا
إنجيلُو الكَنز التَّمين
بيغفُر كِلّ الخَطايا
____________
صَلُّو صَلاةِ الأبرار
بْتَعطِي قُوِّه عَظيمِه
صِرتُو بالنِّعمِه أحرار
بْكلمِة الله الحَكيمِه
____________
بإيمانَك ما تِترَدّد
تْقَوّى.. وْبِالنِّعمة تْشَدَّد
غَذّي مْنِ الإنجيل رُوحَك
وِبرُوح الرَّبِّ تْجَدَّد
____________
بُطرُس صار صيّاد بَشَر
المَرضى مْنِ خيالُو صَحُّو
البشارَه الحِلْوِه نَشَر
وْضَحَّى مَع يلّي ضَحُّو
____________
الإيمان لْ مِنْ دون أعمال
مِتْلِ الجَسَد مِن دُون رُوح
المُؤمِن هَدَفُو الكَمال
عِطر الرَّبّ مِنُّو بيفُوح
____________
يِلّي بْيَعرِف يَعمِل خَيْر
وما بْيَعمِل خَيْر بيِخطي
وْيِلّي بْيِمْشي بْعَكسِ السَّيْر
من القَصاص كيف بْيِلْطي؟!
____________
مْنِ الرَّبِّ اطلُبُو الحِكْمة
هَلِّلُو بْعَهْدِ النِّعمِه
وافرَحُو كِلّ الفَرَح
مع يسوع بَي الرَّحمِه
____________
المَسيحي لازِم يكون
للبشاره.. إذاعَه
وِبْكِلْمة الله مَسْكون
وْيِنقِلها بِوَداعَه
سيمون حبيب صفير

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق