بين طوني وميشال تطيير أفيال!
قال طوني فرنجية: ميشال معوض دفع لأربعة اصوات من عائلة واحدة 15 الف دولار ليصوتوا للائحة التي يدعمها يا عيب الشوم!
رد ميشال معوض: كلام فرنجية سخيف ولا يستحق الرد وهدفه تشتيت الانظار عن الفشل الانمائي والزبائنية و”الفيل بيطير بس مش هالقد”!
والدبور يرد: بين فرنجية ومعوض بلدية عم تتقوّض! وتعب الناس ما بيتعوّض! وبين معوض وفرنجية تمثيلية هزلية! وطبقة مهترية! وبين طوني وميشال تطيير أفيال! وبين ميشال وطوني انتخابات مشحونة! وبين “السخافة” و “يا عيب الشوم” زمن مشؤوم ومواطن مظلوم! وبالبلديات ولعت النار هيدا غط هيدا طار والدفع بالدولار! اتهامات ومشاحنات مهاترات ومقامرات! فيولة عم بتطير تنظير ورا تنظير! وطقم تعتير بتعتير! وهكذا أعزائي القراء كل مين طالع خواتو كرمال البلدية استماتوا واللي استحوا ماتوا!
