ثروة نفط!

في عنِّا ثروة من النفط

كتیر كبیره وما بتنقاس

وفي عنِّا حیتان الشفط

بتشفط شفط جیوب الناس

———————-

تا نشفط بدنا مرسوم

أو بدنا نصفّي النیات

حتى من النفط المزعوم

نشیل من البحر بلوكات

منغطس بالحظ المشؤوم

وبعقول لصارو بلوكات

وكیف بدھا خزانتنا تعوم

وبالدَین علینا حسابات

وعنِّا منطق مش مفھوم

بشعة ومجھولة الغایات

والربح الرسمي مقسوم

وبعدو”عطیني وخود وھات “

والمسؤول المش مھضوم

بیشرح كل لیلة ساعات

بالمجھول وبالمعلوم

بیقضیھا عالشاشات

وشعب اللبناني محروم

وما بیقشع غیر الویلات

وبیبقى معتّر مظلوم

من مسؤول بلا أحساس

———————-

ثروات بلادي من زمان

نحنا منقشعھا من بعید

ورزق اللبناني فلتان

وفي عنِّا عبد وفي سید

وفي ناس بتطبش میزان

العدل بترغیب وتھدید

بتغنى من ضھر الجوعان

ومن صرخة آخ وتنھید

والنفط الظاھر حرزان

ما بینطال بعهد جدید

كلما بالدولة حیتان

بتعمل فینا شو بترید

ونحنا منموت بحرمان

حتى ھیي تعمل عید

وبفرحتها تشرب كاس

أنطوان إدمون أبوجوده

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق