حرب التغريدات.. كل مين إيدو إلو.. هوّي الحكي ببلاش… الحريري: قال شو الاشتراكي عم يحكي بالوفاء، نكتة اليوم!

غرّد سعد الحريري قائلا: “مشكلتكم يا اخواننا في الحزب التقدمي الاشتراكي مش عارفين شو بدّكم. لما تعرفوا خبروني”.

والدبور يغرّد :بسلامة فهمك يا شيخ سعد. الحزب واربابو بيعرفوا خير المعرفة شو بدّن. بس الهيئا يلي بدن ياه غير متوفّر عندك حاليا. والحل الوسطي مش كافي ولا شافي !

 

غرّد النائب بلال عبد الله ردا على الحريري:” مشكلتنا معك دولة الرئيس، أننا نعرف ماذا تريد وبماذا تفرط خاصة بشيء ليس ملكك…”

والدبور يغرّد: أيها النائب الشاطر. ما في حدا يخفي عنك شيئاً، ما شاء الله! المشكلة انكن تفرطون جميعكم بما ليس لكم. ومن زمان كتير كمان !

 

غرّد احمد الحريري: “بيضة القبان انفقست”..

والدبور يغرّد: أيا بيضة منن يا شيخ احمد؟ اليمين أو الشمال؟ وعن أي قبّان عم تحكي؟ ليش بعد في قبان او ميزان او بيض او توازن بلبنان؟ حياتنا خلصت والقبّان بعدو مايل لصالح الهدر والسرقة وتقاسم الأدوار والمغانم. وبعدك بتحكينا عن بيضة وبيضتين؟

غرّد وئام وهاب:” يا شيخ سعد الوحيد يلي كان يعرف شو بدو وليد بك. كان أبوك الله يرحمو كان عندو الدوا هلق المشكلة الدوا مقطوع من السوق والكل طفران بدك تتحمل”.

والدبور يغرّد: الخلاف بين الخصمين الحريري وجنبلاط اجا شحمة على فطيرة للشيخ وئام. قوّص عصفورين بتغريدة وحدة! 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق