حَقِّق يا فادي صُوّان العَدالِه ببلادِ الأرز

حَقِّق يا فادي صُوّان

العَدالِه ببلادِ الأرز

مِيزانِ الحَقّ بْيِنصان

بإيدَكْ يَلِّي بْتِفرُز فَرز

وْحُوش السّلْطَه فلِْتانين

وْلا حَسيب وْلا رَقيب

بِفَسادُن غِرقانين

وِبْنَهب وْعِهْر وْتِخريب

حَجَر الصُّوّان قاسي

يا فادي.. الفادي يحميك!

عاقِب أعلى سِياسي

تَ الأرزِه نِسْر تْسَمّيك

المَسؤول الفاسد مأجور

عا كرسي السِّلْطَه مْرَبَّط

بْزنزانِة ظلمُو مَحجُور

بْوَحلِ الشّر بْيِتْخبَّط

القاضي لّي بْيِحكُم بالعَدل

بْيِرضي الرَّبّ وْضَميرُو

دَربِ المَجْدِ بْيِحدُل حَدل

بإيد الخالِق مَصيرُو

سيمون حبيب صفير