سرقة و تهريب‎

يا إقتصاد بلادنا التعبان
عطيوك إبرة موت ما شفيوك
صرنا بآخر صفّ بالبلدان
وبالصف ناطر شعبَك ومنهوك
سلطة لئيمة أفّلَست لبنان
بالإحتيال ونهب مال بنوك
طقم السياسي برزقنا طمعان
خان الأمانة وحول منّو شكوك
أموال مسروقة وشعب طفران
والبعض كاتب بالخيانة صكوك
بيعمل علينا وعالشعب سلطان
وبغير دولتنا وحكم مشبوك
.. يا إقتصاد خسرت بالميزان
أهل السياسة بالأرض حطّوك
من الدعم بقّيو يهرّبو الجيران
عاحدود فيها الأمن مش ممسوك
في نزف حاصل والوضع فلتان
وتحت خط الفقر صار الشعب
وما بين الله والقدرّ متروك .
                       أنطوان إدمون أبوجوده 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق