سوق الحكي الفاسد‎‎

بسوق الحكي لما بتعمل مھرجان
 تانفھمك مظبوط بدنا ترجمان
نسینا القواعد بالدني وحكي الفصیح
لما بمكان نشوفك بظرف الزمان
جایي على منبر زعامة عم تصیح
وانت فاقد للوعي والاتزان
تحرك الناس وتعتبر حالك صریح
 وتقول شو ما كان كلما الوقت حان …
خنتو الامانة وماحدا منكن منیح
 صرتو مصیبة وشعبنا منّو جبان
بتحكو عن الاوطان كیف بتستریح
 وانتو قفلتو الدرب صوب البرلمان
انتو نشرتو بھالفضا سموم وفحیح
انتو دفنتو حقوقنا بقلب اللجان
نحنا عبدنا محمد وعیسى المسیح
 وانتو الزرع عم تخلّطو قمح وزوان
نحنا شعب مقھور تعبان وجریح
وأنتو رسبتو بكل فحص وامتحان
كل شيء فیكم صار مفضوح وقبیح
وصاب الشلل كل المطارح بالكیان
یاریت فینا وجودكن عنّا نزیح
حتى وطنّا یعود یحلم بالآمان ..
بكرا الزمن بیعود وبیلغي المدیح
وبتعرفو قدیش فیكن نقص كان
ما ضلّ الأ یھب صوب النار ریح
یولّع كراسي حكم صارت فاسدة
 ویجیب دم جدید یمشي بھالزمان .
        أنطوان ادمون أبوجوده

مقالات ذات صلة

زر الذهاب إلى الأعلى