هيك طقم عبيط لازمو خبيط ولبيط!

قال نعمة افرام: مش مقبول إنو الواحد لمّا يكون عم بيعمّر بيت يكون عندو خرايط ودراسات عميقة دقيقة، وبس نكون عم منعمّر وطن ما يكون عنا دراسات!

والدبور يقول: لأنو البيت اللي عم تعمرو يا نعمة تعبان عليه من عرق جبينك وبوعي ضميرك، أما على عمار الوطن الله يعينك!.. فالوطن صابتو النقمة من ورا كل مسؤول مفكّر حالو مهندس وبدل ما يهندس خرايط الوطن بيهندس شبابو وبدل الدراسات بيعمل محاصصات وبدل الاساسات بيفوت بالمساومات! وبيصير ينظّر ويشرخط ويشخبط ويلخبط! حتى يقدر حالو وأزلامو يزبّط! وعا أخصامو الحيطان يهبّط! والناس بإجريه يلبّط! فتنطبق عليه أغنية “شخبط شخابيط لخبط لخابيط”! وهيك طقم عبيط لازمو خبيط ولبيط!

مقالات ذات صلة

زر الذهاب إلى الأعلى