مش واصل سعر الواصل‎‎

ممنوع الغش تواصل
واسعار الصوت تفاصل
ومش واصل عا قلوب الناس
وكیف بدك تاخد حاصل

_____________

یا مرشّح دمّك شو تقیل
ومعنا تخطیت المعقول
بتبعت للناس مراسیل
وبالوعد بتكذب عاطول
مع أزغر نسمة بتمیل
وفینا بتذھب عالمجھول
ومش قادر أزمتنا تشیل
ولا المنطق عندك حاصل

_____________

لو إنسان بوابك دقّ
صعبة تفتحلو بابك
قلبك عاھمومو ما رقّ
لولا بیغفى عاعتابك
ولو قدامك مات وطقّ
ما بتترك لحظة حبابك
ما بیوصل مرة عالحقّ
وأنت بأطماعك واصل

_____________

جایي وبالكرسي موعود
وما بتسمع عنّك شو انقال
بتمسح جوخ بكل عھود
وما بتغني فیك الافعال
بتطلع عالشاشة وبتجود
وعالحملة بتصرف أموال
وما بشوفك الا موجود
بین الفاصل والفاصل

_____________

بتتركنا بأصعب أوقات
وعندك نبرة فوقیّة
وبتتفلسف بالجولات
المعروفي بالخفیّة
وبتتخبّط بالكلمات
لكانو كتبولك ھیّي
وكیف بدك تاخد اصوات
وعن شعبك حالك فاصل

_____________

سقف الحملة مش محدود
والمبلغ جايي من بعيد
وإشراف الهيئة محدود
وكيف بدّو يحصل تجديد
شمال جنوب وأقصى حدود
بتنشر لوحات وبتزيد
وبين الواعد والموعود
سعر الواصل مش واصل

 أنطوان إدمون أبوجوده

مقالات ذات صلة

اترك تعليقاً

لن يتم نشر عنوان بريدك الإلكتروني.

زر الذهاب إلى الأعلى
إغلاق