بالمَصرِف مالي مَحجُوز
بالمَصرِف مالي مَحجُوز
جَنَى العمْر بلحظَه طار!
يلّي صايِر ما بيجُوز
قومُو تَ نْفِك الحِصار!
__________
نِحنا زْرَعنا وحَصَدنا
وللسّارِق ما حسَبْنا حساب
العَدْل بْيِبقى مَقصَدنا
والأمَلْ فِينا ما خاب!
__________
نِحنا بلبنان مُودِعين
جَمَعِتْنا الِمْصيبِه
القاضي مَع الله بيعِين
بْهَالإيّام العَصيبِه!
__________
حَقِّي إسترجع مالي
حَقِّي مْكرَّسْ بِالدُّسْتور
مالي عا قلبي غالي
مْنكْشُف بالحقّ المَسْتور!
__________
إساءِة الأمانِه
جَريمِه وْقَصاصا تْقيل
ما أبشَع الخِيانِه
لبنان لازِمْلو تِعزيل!
__________
القاضي النَّزيه الشُّجاع
عَ الظالمين بيِنْصُرنا
بيكفينا قَهْر وْأوْجاع
عَ الحَضيض نِحنا صِرنا
__________
قُوّتنا بِصَرخِتْنا
مِنْعمِّر عا صَخْرِتْنا
إنتَ الصَّخرَه يا قاضي
العَدل بْيِدعَم قُوّتنا !
سيمون حبيب صفير
