يا مار شَربل عَلِّمنا

يا مار شَربل عَلِّمنا

القَداسِه بِمَدرِسْتَك

سْراجِ النِّعمِه سَلِّمْنا

مْشَعَشَع نُورُو بْمَحبِسْتَك

 _____________ 

نُور سْراجَك مَلَّا الكَوْنْ

يا قِدّيس العَجايِب

صُون الأرزِ بْقلبَك صَوْنْ

وْرِدّ السَّلامِ الغايِب

_____________ 

وَصِّلِ الخاطِي لِلرَّب

مْنِ التَّوْبِه بْيُحصُد غُفْران

الإنْسانِ لِّي بْيِتْغرّب

عَنْ الله.. هُو الخِسْران!

_____________ 

إنْتَ اخْتَرْتِ الرَّبِّ رفِيق

تْرافَقْتُو بْأقدَسْ طَريق

عَلِّمْنا حَوْلَكْ نِمْشي

وِنْكُون مَعَكْ بِالفَريق

_____________ 

قَلْبَكْ يا بَيْت القِربان

يا ناسِكْ بَيْن الرِّهْبان

مْنِتْبارَك مِنْ ضَريحَك

بِالكَوْن مْنِزرَع صِلْبان

_____________ 

صَوْمَعتَكْ يا مار شَربِل

مَنارَه بْأعالي جْبَيل

شَربِل.. عَلِّمْنا نغَربِل

تْشَفَّع فِينا وِامْحِي الوَيْل

_____________ 

عا أرض جديدِه خِدنا

بتُوفِي لمّا بْتوعِدنا

عَ الشَّرّ نْصِرنا يا رَب

وِبْأَسْرارَك زوِّدنا

 

سيمون حبيب صفير

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق