نحنا لّي منعرِف الحقّ

نحنا لّي منعرِف الحقّ

والحقّ لْ بيحَرّرنا

شعب الحِرّيّه بيِسْحَق

الإيدَين لّي بتِقهِرنا

فْلاحَه وْزراعَه وْحِصاد

بْهَالأرض لّي بتَعطينا

عيُون الحارس بِالمِرصاد

مْنِ الجِردُ وْلَشواطينا

كِلّ شواطينا إلنا

من العَبْدِه للناقورَه

مَسؤوليِّتنا حمِلنا

كْشَفنا الكِذبِه المَستُورَه

مال الأرامل مَنهوب

عيونُن عم تنزف أنين

شَعبي مْنِ السّرقه مَنكوب

كل شي بحياتو تقنين

عَنِ الفاسد ما مْنِعفي

بْيِستاهِل أكبَر قَصاص

لبنان الغالي مْنِشْفي

بْهِمِّة أهْلِ الإختِصاص

مَسْؤوليِّتنا نْراقِب

وِنْطَبِّق القَوانين

بِالعَدالِه مِنْعاقِب

هَالفاسْدين البِطرانين

سيمون حبيب صفير