جزين: بين عون والحلو مين رح يضيّف حلو؟!
في جزين خناجر وسكاكين! “مين بدّو يطعن مين”؟! في عروس الشلال حول البلدية قتال! وعلى الكرسي استقتال! في المدينة الجنوبية حرب بلدية! بين لائحة “بلديتكن مستقبلكن” برئاسة بشارة عون مدعومة من القوات والكتائب! ولائحة “سوا لجزين” برئاسة دافيد الحلو مدعومة من التيار وابراهيم عازار! متموّلون ومستثمرون! كلام عن رشاوى تُدفع لهذا وذاك! من هنا ومن هناك! شائعات وثرثرات! كسّارات وبنايات! ضغوطات ومماحكات! اعلانات ويافطات! صوَر على الـ”بانويات”! قسائم محروقات! بنزين وموتورات مازوت واشتراكات! دولارات وليرات! هات وخود خود وهات! على الحلبة صعد الشباب! والسبت وراء الباب! فمن سيرتوي بماء الشلالات ومن ستحرقه نار الانتخابات؟!… وبين “مستقبلكن” و “سوا” لمين رح يهبّ الهوا؟! وبين “سوا” و “مستقبلكن” مين معكن مين ضدكن؟! وبين عون والحلو مين بيدوق المرّ ومين بيضيّف حلو؟! وبين الحلو وعون مين بيفلّ ومين بيبقى هون؟!
