بيروت: بريحة المازوت اختنقوا أهالي بيروت وعالبلدية مين بيفوت؟!

في بيروت 24 مقعدا بلدياً وخلطات بلدية تحت شعار المناصفة! وخلاّطات حزبية ومخلوطة تحاصصية! ومعارك دونكشوتية وصراعات زعاماتية! وأحلام نيابية! وأوهام وزارية! بمبارزة انتخابية بلدية واختيارية! أعضاء ومخاتير و”مين بيشيل الزير من البير؟!” بين 6 لوائح! لائحة “بيروت بتجمعنا” برئاسة ابراهيم زيدان المدعومة من المرجعيات الدينية والنائب فؤاد مخزومي والقوات والكتائب والتيار والطاشناق والاشتراكي وأمل وحزب الله! ولائحة “بيروت مدينتي” برئاسة فادي درويش وتضم نقابيين، أكاديميين، مهندسين، محامين، وناشطين من الجمعيات الأهلية وقوى التغيير، المدعومة من النواب بولا يعقوبيان، إبراهيم منيمنة، مارك ضو، وفراس حمدان، وحليمة قعقور وشخصيّات سياسية! ولائحة “بيروت بتحبك” برئاسة العميد محمود الجمل مدعومة من نبيل بدر و”الجماعة الإسلامية”! ولائحة “أولاد البلد” برئاسة رولا العجوز وتضم عائلات بيروتية وعناصر شبابية! ولائحة غير مكتملة “عاصمة لدولة” لحركة مواطنون ومواطنات! ولائحة غير مكتملة “بيروت عاصمتنا” برئاسة رئيس حزب النجادة عدنان الحكيم…

“وبين درويش وزيدان مين ربحان؟! وبين الجمل والعجوز مين بيفوز؟! غليت المي بالكوز! ومين المحظوظ؟! وعَ مين ضيافة الكازوز؟! وبين “بتجمعنا” و “مدينتي”  و “بتحبك” و “عاصمة”  و “عاصمتنا” و “البلد”، زحمة مرشحين بالبلد! ولمين حصة الأسد؟! ومين بدّو يبطح مين؟! وبكترة اللوايح مين جايي ومين رايح؟! وبريحة المازوت اختنقوا أهالي بيروت! ما في كهربا بالبيوت! وبالتلوث الناس عم بتموت! والصندوق مفخوت وعالبلدية مين بيفوت؟!”