شياطين الجمهوريّة‎

بأزمتنا اللبنانيّة            عِنّا العقدة  مخفيّة
عم يتخبّو بقلب الحلّ       شياطين الجمهوريّة
————-
 كلما دخلنا بالتفصيل      وقرّبنا عا حدود الحلّ
بيشرفنا عزرائيل           وسيف الشر بإيدو سَلّ
ومطرح ما بدّو بيميل      وما بيزهق مرة ولا مَلّ
بدّو فينا الروح يشيل       بضرباتو الشيطانيّة
 ————–
لو فتشنا بالأديان          عن معنى كلمة إبليس
بيطلّع بالأول شيطان       وعليها منرجع منقيس
لكن لو ردنا  بلبنان         نفتش ما بدنا  قواميس
رح منلاقى وين ماكان     البحث بسرعة جنونيّة
————-
شعب بلادي يا مسكين      هالصورة ما بتتجَمّل
بتقشع بالليل شياطين        تحمَّل لو فيك تحمَّل
علينا حكّام من سنين        وبيقولو بعد تأمّل
الكذّابين النّهابين            بيّاعين الحريّة
————-
اللبناني تشتت تشتيت           وبعدو الماشي منطق حرّب
وتفتت اكتر تفتيت               صخر لكان يصون الدرّب
ومهما رحت ومهما جيت       بيبقى حاكم  ذات السرّب
وكل مرة بيحكو بتصويت      وبالأحكام المرعيّة .
   أنطوان إدمون أبوجوده

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق